القائمة الرئيسية

الصفحات

كيفية صلاة الاستخارة وفائدتها و معناها

كيفية صلاة الاستخارة وفائدتها و معناهاالسلام عليكم

رؤية فى كيفية وفائدة صلاة الاستخارة

الحمد لله والصلاة والسلام على رسول الله محمد صلى الله عليه وسلم

اما بعد

كلنا بيمر علينا امور حرجه من اتخاذ قرارات مصيرية او اختيار افضليات , يكاد لا يوجد موضوع بلا خيارات , نسال مين او ستشير مين .



اكيد فى كل امر يوجد من هو اعلم وصاحب خبرة لكن فى بعض الاحيان احنا مانعرفوش او ممكن يكون الوصول له صعب .
خصوصا فى الامور المصيرية الشخصية الصعبة , زى الزواج او دخول كلية معينة او اختيار وظيفة او استثمار مبلغ معين فى مشروع او او .........

افضل من سئل وافضل من يستشار


هو الله عز وجل , صلاة الاستخارة خير فى كل حاجه

  • اولا اتبعت سنة فاخذت حسنة
  • ثانيا اذا وفقت فى اختيار او مشوارك فتحل عليك بركة الله وتسهيله وتيسيره او يتوقف مشوارك او موضوع فتوجه من قبل الله الى ما هو خير لك واصلح .




فكر كدا معايا لو انا قدامى مشروع ماشى فيه ممكن يتم واذا تم يا هيكون كويس او مش كويس لو استخرت تاكد انه لو تم يبقى هو ده الخير مفيش احتمالات لانك مع الله الاعلم بكل شئ لكن لو ما تمش تاكد برضه انه هوا ده الخير لنفس السبب .

كيفية صلاة الاستخارة

ان الواحد يصلى اى ركعتين سنة يعنى مش فرض , تكون بنية استخارة الله فى الامر الفلانى وعادى خالص بنصلى ثم ندعوا الله فى السجود او الركوع فى اى موضع للدعاء

نص دعاء صلاة الاستخارة


اللهم انى استقدرك بقدرتك واستخيرك بعلمك فانت تقدر ولا اقدر وتعلم ولا اعلم وانت علام الغيوب 

( فى الفقرة السابقة نعظم الله ونثنى عليه وهذا من اداب الدعاء )

اللهم إن كنت ترى فى هذا الامر خيرا لى فى دينى ومعاشى وامرى كله عاجله واجله

( هنا نسأل الله فى الموضوع اللى شاغلنا وتاثيرة على الامور الحيوية فى حياتنا )

فيسره لى وقدره لى ثم باركلى فيه
( جمال الدعاء انه اذا تحقق التمني على الله وهو الخير بندعوا الله بتسهيل وتيسير وقضاء الامر مع البركة )
واذا كنت ترى فى هذا الامر شر لى فى دينى ومعاشى وامرى كله عاجله آجله
(نسأل الله مرة اخرى لكن بتأثير عسكى وهو الشر )
فاصرفه عني واصرفني عنه وقدر لى الخير حيث كان ثم ارضنى به
( العظمة كلها و تجلى قدرة الله بتظهر هنا كمان ومعنى الدعاء ده ان لو الموضوع مش كويس فاصرفه عني يعني ابعد الموضوع عني باى شكل انا افهمه واعرف ان الموضوع مش كويس واصرفني عنه يعنى مش مجرد ان الموضوع يقف لا كمان ارفعه من قلبى يعنى مبقاش متعلق بيه وده جميل جدا لان الواحد ممكن يتعلق بالشئ ويظن انه مش هايعيش من غيرها وده طبعا غلط و مش من الدين , وقدر لى الخير حيث كان بعد كدا وجهنى يا رب للخير سبحان الله يعنى مش مجرد نبعد عن الشر لا كمان نروح للخير اللى ممكن منكونش شايفيه او مقتنعين بانه الخير علشان كدا اخر الدعاء ثم ارضنى به ان ربنا يرضينا بالاختيار اللى هنختاره يعنى يبدل اللى فى قلوبنا الى الصح والله اعلم ) .
انا حبيت اعيش معاكم جوه الدعاء لانى بحبه وانا فهمته كدا


ارجو ان ينفعنا الله بما علمنا والحمد لله


السلام عليكم ورحة الله وبركاته 


ارجو ممن يجد اخطاء لغوية او غيره لفت انتباهى حتى اعدل لكى يستفيد الجميع مع ملاحظة ان كل ماكتب هو من اجتهادي وشكرا