What is CPU cache memory Definition ? تعريف الكاش ميموري وسرعه البروسيسور

cpu

يعنى ايه سرعه بروسيسور وكاش ميموري ؟

x = GHz و y = cache
x و y رقمين مختلفين بنشوفهم على اى بروسيسور و احيانا لما بنروح نشترى الراجل بيقولهم

 بس هل كلنا فاهمين الارقام دي بتمثل ايه؟

*الرقم المكتوب جنبه GHz

 هى سرعة تنفيذ البروسيسور للاوامر و التعليمات البرمجيه (عدد الاوامر اللى يقدر ينفذها البروسيسور فى الثانية الواحدة).
الجيجا هيرتز = مليار هيرتز و الهيرتز بيمثل امر واحد او تعليمه واحده (instruction),
 يعنى مثلا لو البروسيسور 2.3GHz معناه ان البروسيسور يقدر ينفذ 2 مليار و 300 مليون امر فى الثانية الواحده
(مع العلم ان البرنامج او اللعبه او التطبيق الواحد بيحتوى يمكن على الاف او عشرات الالاف على الاقل من التعليمات البرمجيه).

*الرقم المكتوب جنبه cache

الكاش هو عباره ذاكره (memory) صغيره و سريعه مساحتها بتساوي المساحه المكتوبه جنب كلمه كاش و دورها انها بتخزن نسخ من البيانات اللى بتستخدم من الذاكره الرئيسية او الرام (RAM) علشان تقلل الاكسس (access) للرام.
 هديلكو مثال توضيحي للعمليه دى
 تخيلو عمليه تنفيذ البرنامج اننا بناكل فاكهه مثلا  التلاجه فيها نوع ما من الفاكهه و احنا بناكل ثمره ثمره, المنطق بيقول اننا بدل ما نروح التلاجه نجيب ثمره و نرجع ناكلها و بعدين نكرر العمليه لحد ما نشبع, نجيب عدد ما من الثمرات نحطه فى طبق و ناخد الطبق نحطه قدامنا فى المكان اللى قاعدين فيه و ناكل ع مهلنا و براحتنا  التلاجه بتمثل الرام و الفاكهه بتمثل الداتا و الطبق بيمثل الكاش و احنا بنمثل العمليه اللي بتتم 

كتبه Kareem Mesbah

مجموعة محبي Dell Inspiron 5110 & 5010